http://www.123.is/rokkvi.is/ Til að bóka mig má senda póst á rokkvi@lagmenning.is eða hringja í mig í 8950024. Sjá uppistand.is is Wed, 08 Sep 2010 00:00:00 GMT Wed, 08 Sep 2010 17:38:54 GMT www.123.is http://www.123.is/rokkvi.is/blog/record/475138/ Ég hvet alla til að skella sér í bíó á "Iceland: Future of Hope" eða "Future of Hope" eins og hún er titluð á Plakatinu. Ég kynntist Henry Bateman leikstjóra og Heather Millard framleiðanda hérna á Íslandi þegar þau voru að gera myndina og við ræddum ýmsar hugmyndir um myndina meðan hún var í vinnslu og ég fékk að fylgjast soldið með því sem þau voru að gera. Gott framtak hjá þeim um alls konar framtíðarhugmyndir fyrir landið. Tue, 07 Sep 2010 22:17:05 GMT http://www.123.is/rokkvi.is/blog/record/446776/ Sem uppistandari er ég vanur því að tilgangurinn sé að láta áhorfendur hlæja. Þegar ég hinsvegar tók þátt í brasilísku jiu jitsu glímukeppninni síðustu helgi og áhorfendur sprungu úr hlátri, var ekki laust við að ég skammaðist mín soldið. (Myndin segir allt) Sun, 11 Apr 2010 10:18:04 GMT http://www.123.is/rokkvi.is/blog/record/446655/ Margir hafa eflaust séð fréttina í Fréttablaðinu í gær þar sem ég skoraði á Dóra DNA í brasilíska jiu jitsu glímu. Það eru auðvitað viss vonbrigði að hann hafi ekki tekið áskoruninni, sérstaklega þar sem ég var búinn að gera eldklárt árásarplan um hvernig ég ætlaði að sigra glímuna. Árásarherbragðið sem ég ætlaði að nota má einmitt sjá hérna fyrir neðan í videoinu (á 1:55 mín nákvæmlega): Sat, 10 Apr 2010 19:48:17 GMT http://www.123.is/rokkvi.is/blog/record/436140/ Frjálshyggjufélagið er nýbúið að senda frá sér ályktun um að farið sé að nota orðið "auðmaður" eins og eitthvað á við nasista og finnst eitthvað voðalega miklar ofsóknir vera í gangi, eins og sjá má hér: http://eyjan.is/blog/2010/02/21/frjalshyggjufelagid-ordid-"audmadur"-farid-ad-merkja-sama-og-gydingur-hja-nasistum/ Það merkilega við þetta er að Hannes Hólmsteinn, aðalklappstýra frjálshyggju á Íslandi, notaði einmitt sama hugtak þegar hann talaði um fólkið sem væri búið að vera að "ofsækja" hetjuna hans Davíð Oddsson, en eins og ég var meira að segja nýlega búinn að blogga um þá voru þetta orð Hannesar um val hans á manni ársins 2009: "Davíð Oddsson, að standa af sér hatursherferð jafnt vinstriforingja og auðmanna og þýja þeirra." Sjá hér: http://www.pressan.is/Frettir/Lesafrett/alitsgjafar-pressunnar-gera-upp-arid-2009-hver-er-einstaklingur-arsins-sem-er-ad-lida?page=2&offset=75 Nú þætti mér fróðlegt að vita hvort Frjálshyggjufélagið er tilbúið til að afneita Hannesi sem nornaveiðara. En ég verð reyndar að viðurkenna að ég er hlutdrægur hvað þetta varðar. Ég hef nefnilega lengi verið bitur út í Hannes, fyrir að vera margfalt betri uppistandari en ég, án þess að vera einu sinni að reyna, samanber videoið fyrir neðan: Mon, 22 Feb 2010 21:50:08 GMT http://www.123.is/rokkvi.is/blog/record/434844/ Afi gamli kennir illa gefnum undirmálsmanni smá mannasiði í strætó! Wed, 17 Feb 2010 11:38:36 GMT http://www.123.is/rokkvi.is/blog/record/434488/ Betra er seint en aldrei og ég ætla að velja mann ársins 2009 að mínu mati. Ég sá að Hannes Hólmseinn valdi Davíð eins og vanalega, sem Hannes gerir reyndar alltaf (og mun sjálfsagt halda áfram að gera löngu eftir að Davíð fer undir græna torfu ef hann fær tækifæri til). Semsagt ekki neitt nýtt hér á ferð, nema það að ég rak augun í ástæðuna fyrir því að Hannes valdi Davíð í þetta skiptið. Hún var var fyrir "að standa af sér hatursherferð jafnt vinstriforingja og auðmanna og þýja þeirra." Ég held þetta sé kjörin leið að velja mann ársins, það er að segja þann sem stendur af sér mesta mótlætið og með mestum stíl. Ég hef því ákveðið að velja hann "Norm" hérna fyrir neðan, fyrir að standa af sér hatursherferð 13, 14 og 15 ára gelgjukrakka sem ofsóttu hann á youtube - og það með miklum tilþrifum! Mon, 15 Feb 2010 21:58:13 GMT http://www.123.is/rokkvi.is/blog/record/325707/ Eins og einhverjir hafa kannski séð þá voru 2 sketchar frá mér: "Bar sem heitir Kunta" og "Svanavatnið" sýndir á ÍNN. Það var þannig að ÍNN hafði samband við mig um að sýna sketcha frá mér. Ég mun reyna að finna fleiri af þeim í fullum gæðum, svo þeir geti sýnt þá líka. Wed, 03 Dec 2008 20:06:50 GMT http://www.123.is/rokkvi.is/blog/record/304715/ Hérna getið þið hlustað á viðtalið við mig á BBC three counties radio Eða niðurhala því hér á mp3 Tue, 14 Oct 2008 20:01:52 GMT http://www.123.is/rokkvi.is/blog/record/302901/ Hérna getið þið heyrt viðtal við mig á BBC three counties radio um kreppuna á Íslandi og vesenið með KB Banka í Englandi.Þið þurfið RealPlayer til að hlusta og spóla 30 mínútur fram í þáttinn.Smellið Hérna Sat, 11 Oct 2008 14:24:40 GMT http://www.123.is/rokkvi.is/blog/record/301838/ Því miður hætti Gunni, sem var þáttastjórnandi með mér í þættinum Hinn eini sanni á Útvarpi Sögu og tæknimaður þáttarins, hjá Útvarpi Sögu í síðustu viku sem leiddi til þess að það er búið að fella þáttinn niður. Þetta þykir mér leiðinlegt því það var skemmtilegt að vera með þáttinn og við búnir að fá mjög mikið af góðum gestum. Margir sem höfðu gaman af þættinum spurðu mig af hverju það hefði ekki verið þáttur í síðustu viku.Ég vil auðvitað halda áfram að vera með þátt þarna og mun skoða möguleikana á því. Þeir sem héldu upp á þáttinn mega endilega senda email á ak@utvarpsaga.is og láta hana vita af því eða lýsa yfir stuðningi við að ég fái aftur að vera með þátt.Ég þakka þeim góðu gestum sem ég fékk í þáttinn: Þorsteini Guðmundssyni, Svavari Knúti Kristinssyni, Begga blinda, Hinriki Ólafssyni, Sveini Waage, Díönu Lind Monzon, Helgu Brögu Jónsdóttur og Tómasi Lemarquis, fyrir skemmtileg viðtöl.Ég vil líka þakka þeim sem hringdu inn í þáttinn og létu í sér heyra. Það var mjög gaman að tala við ykkur og heyra það sem þið höfðuð að segja.- Rökkvi Thu, 09 Oct 2008 10:44:03 GMT http://www.123.is/rokkvi.is/blog/record/298695/ Þátturinn minn "Hinn eini sanni" á Útvarpi Sögu féll því miður niður í dag vegna þess að Gunni, sem er með þáttinn með mér og er jafnframt tæknimaðurinn í þættinum, er frá. Ég biðst afsökunar á þessu. Thu, 02 Oct 2008 14:32:09 GMT http://www.123.is/rokkvi.is/blog/record/295848/ Næstu gestir í þættinum verða líklega eftirfarandi:2. okt - Gussi (Gunnar Jónsson leikari úr Fóstbræðrum)9. okt - Úlfar Linnet (uppistandari)16.okt - Steinunn Camilla (söngkona úr Nylon)23.okt - Ingveldur Ýr Jónsdóttir (óperusöngkona)Þátturinn er á fimmtudögum milli 13-15 á Útvarpi Sögu (99,4) Fri, 26 Sep 2008 19:35:59 GMT http://www.123.is/rokkvi.is/blog/record/294661/ Það hefur mikið verið spurt hvenær síðustu þættir af Hinum eina sanna komi á netið. Við erum í smá veseni með heimasíðu þáttarins, en hérna er hægt að downloada flestum þáttunum sem við erum búnir að vera með:SMELLIÐ HÉR Tue, 23 Sep 2008 21:34:43 GMT http://www.123.is/rokkvi.is/blog/record/288679/ Gestirnir í þættinum "Hinn eini sanni" verða þessir næstu vikurnar:11.sept - Díana Lind Monzon, páfagaukatemjari18.sept - Tomas Lemarquis, leikari25.sept - Helga Braga Jónsdóttir, leikkona/grínisti2.okt - (óákveðið)9.okt - Úlfar Linnet, grínistiÞátturinn er á Útvarpi Sögu 99,4 á fimmtudögum frá kl.13-15 Tue, 09 Sep 2008 21:44:00 GMT http://www.123.is/rokkvi.is/blog/record/284899/ Í síðasta þætti töluðum við um námsfög í grunnskólum og fórum síðan aðeins út af málefninu yfir í áfengi. Hlustendum var heitt í hamsi og einn hringdi inn til að kalla okkur Gunna jólasveina. Jólasveinar eru nú yfirleitt góðir hélt ég samt, gefa gjafir og þannig, en kannski var hann að tala um gölu jólasveinana, þessa vondu sem Grýla og Leppalúði áttu.Hinrik Ólafsson, leikari kom og sagði okkur frá profilm.is, leik sýnum í The Viking Sagas og hinum ýmsu leikritum.Í næsta þætti ætlum við að halda áfram með umræðu síðasta þáttar, enda varla hálfnaðir þegar við urðum að hætta. Í seinni partinum kemur grínistinn Sveinn Waage síðan til okkar í spjall.Þið getið annars sótt þættina á Hinneinisanni.net Sat, 30 Aug 2008 19:15:54 GMT http://www.123.is/rokkvi.is/blog/record/283695/ Þá eru þættirnir kominir á fullt. Þið getið farið á hinneinisanni.net til að sækja þættina og skoða upplýsingar um þáttinn.Flestir þættir eru þannig að við Gunni tökum eitthvert málefni fyrir sem okkur finnst áhugavert og ræðum í fyrri partinum og tökum við símtölum hlustenda sem vilja koma með innlegg í umræðuna. Seinni parturinn er síðan viðtal við einhvern áhugaverðan einstakling, oftast skemmikraft af einhverri tegund.Í þættinum á morgun verður Hinrik Ólafsson, leikari í viðtali hjá okkur, en fyrst munum við velta fyrir okkur ýmsum námsfögum í skólakerfinu á Íslandi. Annars er verið að bóka viðtöl næstu þátta og verða þau negld niður á næstunni. Helga Braga, leikkona mun meðal annars koma til okkar í lok september. Wed, 27 Aug 2008 12:49:00 GMT http://www.123.is/rokkvi.is/blog/record/277484/ Þá er fyrsti þátturinn af "Hinn eini sanni" kominn í netið í 2 hlutum. Síðan má í framtíðinni nálgast þættina undir MP3 hérna í valmyndinni efst.Fyrri hlutiSeinni hluti Sat, 09 Aug 2008 12:46:00 GMT http://www.123.is/rokkvi.is/blog/record/276888/ Þá er fyrsti þátturinn af "Hinn eini sanni" búinn. Þorsteinn Guðmundsson mætti til okkar og sagði okkur frá ferli sínum í Fóstbræðrum, Svalbarða og uppistandi, leik sinn í "Maður eins og ég" og viðbrögðunum sem hann fékk við sketchinum "Einstæðingur tantrar köttinn sinn" - bara svo að fátt eitt sé nefnt.Þarna fjölluðum við líka soldið um snillinginn hana Leoncie og lagið hennar "Enginn þríkantur hér". Hlustendur fengu að hringja inn og var stuðningur við Icy Spicy greinilega mikill. Einum hlustanda fannst reyndar brýnna að spila meira af kristilegri tónlist í útvarpinu, heldur en lög með Leoncie og fékk einu nettu Jesúpopps lagi skellt á fóninn fyrir erfiði sitt. Engu að síður var tónlist Leoncie áfram aðal mál þáttarins, en ég og Gunni spiluðum þarna í fyrsta sinn okkar útgáfu af "Enginn þríkantur hér" - sem heitir reyndar "Engin göngugrind hér". Okkar útgáfa er einmitt tillaga að því hvernig lagið gæti verið án þess að fá á sig neinn "klám" stimpil. Smellið á linkinn fyrir neðan til að hlusta.Engin göngugrind hér - mp3 Thu, 07 Aug 2008 17:46:00 GMT http://www.123.is/rokkvi.is/blog/record/275226/ "Hinn eini sanni" byrjar á Útvarpi sögu næsta fimmtudag kl.13 og verður til kl.15Gestur þáttarins verður Þorsteinn Guðmundsson, grínisti, en áður en hann mætir munum við ræða áhugavert málefni, sem ég vil ekki afhjúpa hvað er, þannig þið verðið að hlusta á þáttinn til að komast að því.Meira um hvaða efni verður í þáttunum síðar. Fri, 01 Aug 2008 23:15:27 GMT http://www.123.is/rokkvi.is/blog/record/270519/ Ég og Gunnar Ásgeir Ásgeirsson byrjum með aþreyingarþáttinn "Hinn eini sanni" á fimmtudögum kl.13-15 þann 7. ágúst næstkomandi á Útvarpi Sögu - FM 99,4Útvarp Saga Thu, 17 Jul 2008 12:15:23 GMT http://www.123.is/rokkvi.is/blog/record/270460/ Hérna er hægt að horfa á videoið beint, þar sem ég fer á bar í Montreal sem heitir "Kunta" og tala við grunlausan barþjóninn þar - sem er í miklu stuði. Thu, 17 Jul 2008 09:27:18 GMT http://www.123.is/rokkvi.is/blog/record/269732/ Hérna er þetta þannig að það er hægt að horfa á það beint Tue, 15 Jul 2008 10:02:36 GMT http://www.123.is/rokkvi.is/blog/record/238410/ Skemmd vara bolirnir eru komnir í sölu í Dogma búðunum og á dogma.is. Þeir kosta bara 2000 kall og allur ágóði af sölunni rennur óskiptur til UNICEF - barnahjálpar Sameinuðu þjóðana.Smellið hér til að skoða / kaupa Wed, 23 Apr 2008 23:16:50 GMT http://www.123.is/rokkvi.is/blog/record/233068/ Síðasta miðvikudag fór ég á Akureyri til að vera með uppistand í MA og það var þrælgaman. Síðan daginn eftir skoðaði ég bæinn soldið og það er nú bara skömm að því hvað Reykjavík er ljót miðað við Akureyri, sérstaklega hvað Laugavegurinn er slubbulegur.Krakkar í leikfélaginu í MA náðu annars að vinna keppni milli menntaskólanna í spunaleiklist nýlega og voru að hita upp fyrir mig. MH hefur víst unnið þessa kepnni frá því hún var haldin þangað til núna, sem kemur ekki að óvart því MH er alltaf með mikið af sterku leiklistarfólki. MA krakkarnir eru síðan líklega að fara áfram í spunakeppni í Austurríki. Ég var soldið í svona spunaleiklist í Montreal, en það var ekkert þannig í boði sem ég vissi af þegar ég flutti aftur hingað. Ég vona að þetta sé að fara að aukast hérna á Íslandi, því spunaleiklist getur verið mjög góð skemmtun. Í Kanada eru til dæmis spunalið sem koma reglulega fram á uppistandsklúbbum þar og eru með atriði. Góð þannig lið geta vel verið jafn skemmtileg að horfa á eins og góðir uppistandarar. Sun, 13 Apr 2008 14:09:00 GMT http://www.123.is/rokkvi.is/blog/record/233065/ Nú er nýtt video komið á síðuna, frá því þegar ég fór og heimsótti bar í Montreal sem heitir Kunta. Starfsmenn barsins voru auðvitað grunlausir um merkingu orðsis á íslensku og ég spilaði auðvitað botnlaust á það. Þetta video er tekið í október 2006, en ég fann þennan bar fyrst í Montreal einhverntíman árið 2005 og fylltist strax óstjórnlegri gleði yfir þeim fundi. Sun, 13 Apr 2008 14:05:00 GMT http://www.123.is/rokkvi.is/blog/record/225669/ Nú er ég búinn að henda inn nýju videoi frá Galway í Írlandi. Myndin sem fylgir hérna segir allt um það. Myndataka í videoinu: Sigurður Ágúst Magnússon Klipping og vinnsla: Hafdal Kvikmyndagerð ehf.Handrit: gersamlega improviserað Skoða video Thu, 27 Mar 2008 20:05:00 GMT http://www.123.is/rokkvi.is/blog/record/223785/ Búinn að setja inn myndirnar frá uppistandsferðinni um Holland og Belgíu, ég fór í fyrir stuttu. Þetta var frábær ferð. Mikil reynsla og góð skemmtun. Uppistöndin í Belgíu voru frábær. Smellið á linkinn fyrir neðan til að skoða. Fyndnustu myndirnar eru síðast í albúminu.Myndir frá Hollandi og Belgíu Sun, 23 Mar 2008 17:49:00 GMT http://www.123.is/rokkvi.is/blog/record/220662/ Hérna er viðtal sem var tekið við mig í 30.oktbóber í fyrra, sem ætti að varpa ágætis ljósi á mig sem uppistandara. Það hefur auðvitað verið mikið tal um mig sem grínista og persónu og lang best að fólk fái þær upplýsingar sem það þarf til að mynda sér einhverja skoðun á þeim málum. Mjög margt í þessu viðtali er einmitt þveröfugt við það sem fólk heldur um mig. Allir sem fíla mig, hata mig, eru að tala um mig á opinberum vettvangi, eða hafa almennt einhvern áhuga á uppistandi á Íslandi ættu að hlusta á það.Takið sérstaklega eftir því, að þetta viðtal er tekið eftir að ég tók uppistand.is aftur og sleit samstarfi við þáverandi umboðsaðila mína, Odd Eystein Friðriksson og Netmiðla hf, en ég minnist ekkert á þá eða okkar samskipti. Sumt fólk virðist nefnilega ekki trúa því að Fréttablaðið (Freyr Bjarnason hjá Fréttablaðinu nákvæmlega) hafi haft samband við mig um af hverju ég hafi slitið samstarfi og tekið síðuna aftur til mín (eitthvað sem ég sá enga ástæðu til að segja honum ekki úr því hann vildi vita það - og ekkert að því hjá honum að birta það heldur). En það var einmitt greinin sem birtist í Fréttablaðinu í framhaldinu sem byrjaði allt fárið í kringum þetta. Margir virðast halda að það hafi verið ég sem hafi hringt í Fréttablaðið með söguna. Ef ég hefði sjálfur sóst eftir að fara með þetta í fjölmiðla, af hverju hefði ég ekki bara gert það í október, beint eftir að ég sleit samstarfinu - og meðal annars talað um það í þessu viðtali? Fólk á auðvitað rétt á að vita þessa hluti ef það hefur einhvern áhuga á þessum málum og ég hef auðvitað rétt á að leiðrétta misskilning um mig sem getur verið mínu orðspori skaðlegur.Ég mun síðar birta betri greinagerð nákvæmlega á mínum faglega ágreiningi við fyrrum umboðsaðila mína, enda ætti svona að snúast um faglega þætti, en ekki persónulegar árásir. Helst ætti þetta auðvitað bara að snúast um frjálsan grín markað þar sem fólk getur skemmt þeim sem vilja láta það skemmta sér og ekkert röfl. Vonandi verður það líka þannig í framtíðinni, en þegar svona heiftarleg umræða er búin að vera úti um allt í blöðum, bloggsíðum og öðrum fjölmiðlum - þar sem ýmsar ásakanir og órökstuddar/óupplýstar ásakanir hafa komið fram - ættu öll gögn málsins að vera til staðar fyrir fólk til að kynna sér. Sat, 15 Mar 2008 14:02:00 GMT http://www.123.is/rokkvi.is/blog/record/211017/ Íslenska rokksveitin Coral fagnar útgáfu sinnar fyrstu breiðskífu, "The Perpetual Motion Picture" með tónleikum á Organ næstkomandi fimmtudag (28. febrúar). Platan var tekin upp að mestu í Gróðurhúsi Valgeirs Sigurðssonar (Björk, Bonnie "Prince" Billy, CocoRosie ofl.) og hefur hlotið jákvæðar viðtökur íslenskra rokkunnenda. Á Organ mun hljómsveitin spila breiðskífuna í heild sinni og einnig nokkur ný lög. Tónleikarnir hefjast uppúr 21:00. Aðgangur er ókeypis. Takmarkalaust húllumhæ. www.myspace.com/coralspace Umfjallanir um "The Perpetual Motion Picture": "Gott grúv. . .fallegar melódíur. . .þungt og drullugt. . .sing-along kaflar. . .allir ættu að finna sér eitthvað sem svalar"**** / Rjóminn.is "Þetta er rokkað popp sem er skemmtilega mikið undir áhrifum frá öllu mögulegu"65% / Monitor "Ágætt"*** / HÞJ Morgunblaðið Sun, 24 Feb 2008 15:24:00 GMT http://www.123.is/rokkvi.is/blog/record/210581/ Nú er ég búinn að setja inn ný video - farið yfir í "Myndbönd" dálkinn til að skoða. Hægrismellið og gerið "Save Target As" Sat, 23 Feb 2008 12:39:00 GMT http://www.123.is/rokkvi.is/blog/record/206757/ Í lok þessa mánaðar mun ég fara í uppistandsferð um Holland og Belgíu. Fer 28. og kem heim 9.mars, kem fram öll kvöld frá 28.febrúar til 8.mars. Þetta verður örugglega mjög skemmtilegt og góð reynsla. Hollendingar og Belgar eru auðvitað þjóðir sem hafa almennt mjög góða tungumálafærni og eru góðir í ensku. Þeir hafa víst mjög gaman af því að gera grín að og atast í hvorum öðrum líka, svipað og margar aðrar nágrannaþjóðir. Thu, 14 Feb 2008 19:19:00 GMT http://www.123.is/rokkvi.is/blog/record/199429/ Í gær og í dag hafði ég samband við hina ýmsu uppistandara um það hvort þeir vildu hafa contact upplýsingar fyrir sig á uppistand.is til að fólk gæti náð í þá og bókað uppistönd með þeim. Þið getið séð núna hverjir eru á síðunni en langflestir tóku mjög vel í þetta. Sumir vildu ekki vera, eða bara láta standa að þeir væru í fríi, því þeir eru í hléi á uppistandi vegna vinnu eða annarra hluta (Pétur Jóhann, Hjálmar Hjálmars, Davíð Þór, Gulla, Þorsteinn Guðmunds) eða voru bara sáttir við að vera á síðu umboðsskirfstofunnar sinnar (Auddi). Aðrir sem ég náði í vildu allir vera með contact info þarna og eru nú komnir á síðuna.Athugið að ég hef ekki náð í alla uppistandara sem ég myndi vilja bjóða að vera þarna og hvet fólk bara til að hafa samband við mig ef það vill komast á síðuna.Uppistand.is er auðvitað ekki rekin sem umboðsskrifstofa eða með neinum gróðamarkmiðum. Hún kemur uppistöndurum bara á framfæri. Ég setti meira að segja hlekki á þær umboðsskrifstofur og veisluhaldara sem ég veit að eru bransanum, því uppistand.is er engan veginn í samkeppni við þær.Síðan er auðvitað mjög prímatív núna eins og hún er, en hún heldur áfram að þróast. Mikilvægast finnst mér að hafa þörfustu upplýsingarnar aðgengilegar á henni. Tue, 29 Jan 2008 23:05:00 GMT http://www.123.is/rokkvi.is/blog/record/199416/ Í morgun sá ég að einhver var búinn að setja link á b2.is á drasl videoið af mér í fmí 2007. Ég tek fram að ég hef marg oft sagt í fjölmiðlum og prívat að mér fannst framleiðslan á þessu vera hræðilega léleg. Ég vil því alls ekki að þetta video sé aðgengilegt fólki og alls ekki að fólk noti það til að meta mig sem uppistandara. Í uppistandi skiptir sviðsframkoma og líkamstjáning mjög miklu máli og hún missir sig algerlega í lélegri framleiðslu.Þetta var illa tekið upp, of fjarlæg skot, skot á bakið á manni, léleg lýsing, léleg klipping, maður jafnvel hálfur úr ramma og mynd jafnvel ekki í fókus. Það sem verst var við þetta var samt hljóðið, enda heyrðist næstum ekkert í áhorfendum, sem lætur uppistandarann líta mjög illa út. Verst var þegar áhorfendur voru hlægjandi það hátt að maður varð að bíða í nokkrar sekúndur með að segja næsta brandara. Þá heyrist hláturinn ekki á myndbandinu og það lítur út eins og maður sé frosinn, ráðvilltur yfir að hafa ekki fengið hlátur og viti ekki hvað maður eigi að segja næst.Ég gengst engan veginn við þessu videoi sem neinum mælikvarða á mitt uppistand. Í vor þegar mér var sagt frá áformum um að gefa keppnina út á DVD, fór ég framá að vera algerlega klipptur út úr henni. Ég hringdi fljótt í b2 í morgun þegar ég sá að videoið var þarna og lét fjarlægja þetta drasl.Tek fram að ég ábyrgist aðeins þau video sem ég set sjálfur á netið og mun koma með eitt nýtt fljótlega, sem fólki er velkomið að nota til að mynda sér skoðun á mínu uppistandi. Einnig getið þið horft á þetta frá Kanada.-Takk fyrir Tue, 29 Jan 2008 22:50:00 GMT http://www.123.is/rokkvi.is/blog/record/198897/ Hérna er viðtal sem var tekið við mig á Útvarpi Sögu 30.október í fyrra af Markúsi Þórhallssyni.Það er hálftími og þar tala ég um upphafið á ferlinum, erfiðleika við að vera uppistandari, ólíkar aðstæður sem maður getur lent í, undirbúning og aðferðir, mun á Ísland og Montreal, efnið sem maður notar og síðast en ekki síst sögur af fáránlegum hlutum sem hafa komið fyrir.Smellið hér, eða hægrismellið og gerið save as til að ná í viðtalið Mon, 28 Jan 2008 22:14:00 GMT http://www.123.is/rokkvi.is/blog/record/197021/ Jæja, nú er komið fyrsta skrefið í átt að breytingunum á uppistand.is sem ég var að tala um. Ég býð nú uppistöndurum að hafa samband við mig ef þeir vilja vera með profile á síðunni, algerlega þeim að kostnaðarlausu. Uppistandarar mega auðvitað líka hafa samband um að láta fjarlægja sig þaðan ef þeir vilja. Einnig býð ég uppistöndurum að hafa contact upplýsingar á síðunni varðandi bókanir, þeas hvernig á að hafa samband við þá til að bóka þá. Þannig upplýsingar voru á henni í gamla daga, áður en mín fyrrverandi umboðsskrifstofa rak hana, en þá voru þær teknar út og bent á að hafa samband við umboðsskrifstofuna. Talandi um umboðsskrifstofur þá mun ég líka hafa linka af síðunni á umboðsskrifstofur sem bóka uppistandara, aðra en mína fyrrverandi auðvitað. Thu, 24 Jan 2008 15:10:00 GMT http://www.123.is/rokkvi.is/blog/record/196400/ Jæja, ætli ég sé ekki að brjóta orð mín um að tala ekki meira um þetta hraðar en það skiptir um borgarstjórn í Reykjavík, en ætla að koma fram með nokkur atriði sem vantaði áður og smá um framtíð uppistand.is. Mér finnst að þeir sem hafa áhuga á málinu (og sérstaklega þeir sem skrifa um það eða ræða í fjölmiðlum) eigi að vita öll málsatriði, fyrir utan auðvitað hugsanlegar persónu deilur fólks í bransanum sem sumir hafa nefnt. Held mig að sjálfsögðu við að ásakanir eða neikvæð gagnrýni á ekki heima hérna heldur.Ég ætla að breyta uppistand.is fljótlega. Ég er allt of mikið áberandi á síðunni miðað við aðra grínista. Þegar ég tók yfir rekstur síðunnar í október voru innan við 10 heimsóknir á hana á dag, þannig mér fannst það ekki skipta miklu máli og vildi auglýsa góðgerðaruppistöndin pínu þarna. Núna eru þau alveg búin að fá nægilega umfjöllun, þannig ég mun fljótlega aftur breyta síðunni til að sýna uppistandara jafnar. Þó munu upplýsingarnar um góðgerðaruppistandið auðvitað verða vel sýnilegar áfram. Ég er þess vegna til í að benda á umboðsskrifstofur fyrir uppistandara á uppistand.is, aðra en mína fyrrverandi, gegn því að þær greiði einhverja væga summu í góðgerðarmálefni að mínu vali. Uppistandarar sem vilja umfjöllun á síðunni geta haft samband við mig enda er ég opinn fyrir öllum þeim sem hafa hæfileika og eru mér ekki fjandsamlegir (engin skylda að finnst ég góður grínisti hinsvegar). Ég mun sem áður ekki vera umboðsmaður neins og breytir mig litlu hvaða umboðsaðila fólk hefur. Ég hvet alla uppistandara til að velja það sem er best fyrir þá, mynda sér fyrst og fremst skoðanir á fólki eftir því hvernig það hefur komið fram við þá, frekar en af annarra umtali og umfram allt vinna með þeim sem hafa sinnt þeirra hagsmunum best hingað til.Mér finnst skrítið að fólk sem ég þekki hefur spurt mig hvernig ég hafi getað "tekið yfir" síðuna. Ég hef auðvitað átt þessa síðu allan tímann, hélt einhvernveginn að það væri svo augljóst að ég þryfti ekki að nefna það. Veit ekki hvernig maður ætti að geta rænt annars manns léni nema með ærinni fyrirhöfn, eins og að hakka sig inná isnic eða eitthvað, sem mun sennilega aldrei gerast en myndi þá líklega vera fljótt upplýst og dæmt í því máli. Umboðsaðilarnir greiddu af uppistand.is mánaðrgjöld meðan þeir voru að nota hana í sína þágu, en ég hef alltaf greitt árgjöldin af henni.Ég reyndar viðraði þá hugmynd við umboðsmanninn minn í apríl að selja honum síðuna. Seinna bauð ég honum beint að kaupa hana og gera mér tilboð. Eftir frekari umhugsun sagði ég síðan við hann að hann mætti eiga síðuna þegar hann væri búinn að bóka mig fyrir 400 þúsund krónur samanlagt. Hann tók því fagnandi. Þetta var í maí. Á þessum tíma ætlaði ég að flytja fyrir fullt og allt til Kanada í október og var búinn að tilkynna það, þannig það lá eiginlega í augum uppi að það væri sá tímarammi sem eftir væri til að bóka mig. Þegar október rann upp hafði ég ekki fengið neinar fleiri bókanir. Þá breytti ég hýsingu á síðunni og fór að reka hana aftur.Vil taka fram að þó ég sé góðgerðaruppistandari, þá gagnrýini ég ekki uppistandara sem eru ekki að vinna fyrir góðgerðarmál. Fólk vinnur sér inn sína peninga og hefur rétt á að nota þá eins og það vill. Margir uppistandarar eru líka uppistandarar að atvinnu og myndu þurfa að éta upp úr ruslatunnum ef þeir gæfu alla vinnuna sína. Ekki forrita ég til dæmis neitt fyrir góðgerðarmál. Þess vegna segi ég enn aftur að topp uppistandarar, eins og Þorsteinn Guðmunds, sem hafa hjálpað mér með góðgerðaruppistönd, eiga mikið hrós skilið fyrir. Aðrir uppistandarar sem eru ekki með þetta að höfuðatvinnu hafa heldur ekkert endilega nógu háar tekjur til að geta gefið uppistandstekjur í góð málefni - auðvitað verður maður fyrst og fremst að standa ábyrgð á sínum eigin rekstri og skuldum. Að lokum - Ég hef ekkert að fela í sambandi við hvaða bókanir ég hef tekið gegnum tíðina. Ég hef haldið lista yfir allar framkomur mínar í uppistandi, í Excel skjali, síðan ég byrjaði, með mis miklum upplýsingum um hverja. Þetta ætti að gefa góðar upplýsingar um þessa umdeildu eftirspurn eftir mér. Hérna er Excel skjalið fyrir þá sem vilja skoða Samantekt á því (flengið mig ef ég hef reiknað eitthvað vitlaust):Öll uppistönd frá upphafi, febrúar 2003 - desember 2007: 79 (meðaltal 1,3 á mánuði)Ógreidd uppistöndEnginn umboðsmaður: september 2006 - febrúar 2007: 16 (meðaltal 2,7 á mánuði)Undir umboðsmönnum, bókuð af umboðsmönnum: mars - september 2007: 3 (meðaltal 0,4 á mánuði) Undir umboðsmönnum, bókuð af mér, öll í Kanada: mars - september 2007: 5 (meðaltal 0,7 á mánuði) Síðan eru það borgaðar bókanir - sem málið snýst raunverulega um:Greidd uppistöndEnginn umboðsmaður: september 2006 - febrúar 2007: 8 (meðaltal 1,1 á mánuði)Undir umboðsmönnum: mars - september 2007: 2 (meðaltal 0,3 á mánuði) Í umboðssamningnum kvað á um að ef haft væri samband við okkur af utanaðkomandi aðilum, um að koma fram, bæri okkur að vísa þeim á að semja við umboðsmenn:Haft samband við mig um uppistand af utanaðkomandi aðilum meðan ég er undir umboðsmönnu, heildarfjöldi: 4Haft samband við mig og ég vísa á umboðsmenn: 2Bókanir út á það: 0Haft samband við mig og ég svíkst um að hafa samband við umboðsmenn: 2 Bókanir út á það: 2Nú er ég búinn að leggja fram um það bil allar upplýsingar sem skipta máli í þessu. Farinn að vinna í næsta verkefni mínu............. Wed, 23 Jan 2008 00:03:00 GMT http://www.123.is/rokkvi.is/blog/record/194950/ Eflaust hafa margir lesið fjölmiðlafárið í Fréttablaðinu nýlega.Hérna: http://visir.is/article/20080118/LIFID01/101180261Og svarið hérna: http://visir.is/article/20080119/LIFID01/101190129Mér finnst alveg komið gott af því satt að segja og hef ekki áhuga á að koma með frekari gagnrýni á neinn eða neitt. Vil útskýra mína afstöðu aðeins hérna, fjalla um vissa gagnrýni á mig og mun síðan snúa mér að öðru.Ég vil taka fram að það var haft samband við mig frá Fréttablaðinu um málið og ég spurður af hverju uppistand.is væri orðin eins og hún er orðin, en ég fór aftur að sjá um hana í október í fyrra. Ég svaraði því og gaf mínar skoðanir á þeim málum. Ég sem sagt sóttist ekki eftir greininni af fyrra bragði, enda hefði ég þá gert það strax í október. Mér finnst þetta ágætis strákur sem hringdi í mig og hafa komið vel fram við mig í málinu. Ég vil auðvitað benda á að fréttamennska snýst oft um að setja mál upp á áhugverðan máta, þannig fjölmiðlar hafa oft mismunandi áhuga á mismunandi atriðum. Þeir höfðu mikinn áhuga á að spyrja mig út í keppnina. Mér finnst FMÍ keppnin í rauninni hafa verið frekar lítilvæg í mínum ákvörðunum og það að ég tapaði vera lítilvægt í keppninni reyndar, þó það hafi sennilega litið út fyrir að hafa mjög mikið vægi í greininni. Ef keppnin hefði verið aðal málið fyir mig, hefði ég að sjálfsögðu hætt samstarfi við aðstandendur hennar beint í framhaldi af henni.Mér finnst líka í rauninni ekki það þungvægt að ég hafi tapað keppninni. Vil benda á að mér fannst einn keppandana sem keppti á móti mér, Hákon Seljan, standa sig mjög vel. Að mínu mati hefði hann alveg eins getað unnið mig ef keppninni hefði háttað eins og mér fannst að henni hefði átt að vera háttað. Hann er fínn náungi og ég hefði bara verið ánægður fyrir hans hönd ef hann hefði sigrað.Vil líka benda á að ég hef tapað í mörgum öðrum keppnum sem ég hef ekkert haft út á að setja. Til dæmis komst ég ekki áfram í Leitinni að Strákunum, en það er alveg sanngjarnt því ég stóð mig ekkert vel þar - hafði samt gaman af að koma þarna og flippa aðeins. Ég hef gott álit á Sveppa, Audda og Pétri, hef hitt þá stuttlega og fannst þeir allir líta út fyrir að vera mjög almennilegir gaurar. Ég hef líka tapað í Ottawa úrslitum í Great Canadian Laugh off. Mér fannst þeir sem náður 3 efstu sætunum allir standa sig betur en ég og hef ekkert út á það að setja. Sömuleiðis var ég í sketch keppni Popptíví 2004 og hef ekkert út á það að setja að hafa ekki unnið neitt þar heldur.Tek fram að ég stórlega efast um að margir af stóru uppistöndurunum hafi mikið á móti mér. Held að flestir þeirra séu ekkert mikið að spá í það hvað ég sé að gera, enda eru þeir að gera mikið stærri hluti en ég. Ég hef átt af minni hálfu ánægjulegt samstarf við t.d. Þorstein Guðmundsson, Stein Ármann, Davíð Þór, Úlfar Linnet, Bjarna töframann, Birgi Búason og Begga Blinda, það litla eða mikla sem ég hef unnið með þeim. Frá minni hálfu hef ég eiginlega bara gott af þeim að segja. Sérstaklega er ég þakklátur þeim sem hjálpuðu mér í góðgerðaruppistöndunum sem ég hélt á Gauknum.Það eru sumir uppistandarar sem ég kýs að vinna ekki með, en ég myndi ekki segjast vera í illdeilum við þá. Ég læt þá bara um sitt og skipti mér ekki af þeim. Sumir þeirra hafa látið mig um mitt líka og aðrir hafa gagnrýnt mig í fjölmiðlum. Ég hef ekki svarað neinu af því og hef ekki áhuga á að gera það.Mér hafa sjálfum ekki borist kvartanir um uppistönd sem ég hef haldið. Ég býð hins vegar þeim aðilum sem hafa borgað mér fyrir að koma fram og verið óánægðir, eða fundist ég vera með óviðeigandi efni í uppistandi, að hafa samband við mig gegnum email eða síma. Berið fram kvörtunina á málefnalegan hátt og ef ég get fallist á rökin, skal ég greiða upphæðina sem ég fékk fyrir uppistandið til góðgerðarmáls af ykkar vali.Mér finnst ekki að ég þurfi að verja það að vinna fyrir góð málefni. Það sem er samt kannski soldið leiðinlegt, er að það eru margir sem gera mun meira fyrir góð málefni en ég og leggja mun meira af mörkum, eins og sjálfboðaliðar fyrir Rauða Krossinn, sem dvelja jafnvel í fátækum löndum í lengri tíma til að stunda þróunarhjálp, en fá kannski minni viðurkenningu en ég fyrir það sem þeir gera, af því það er ekki í fjölmiðlum. Uppistandið er auðvitað tilvalinn máti fyrir mig til að styrkja góð málefni og vekja athygli á þeim, en ef mér gengur hægt að gera það, ætla ég að leita annarra leiða til styrkja þau samhliða uppistandinu.Að lokum vil ég segja að uppistandari eða uppistand er ekkert betra eða verra þótt fólk rífist um það eftirá. Fólk á bara að fá að sjá efnið og dæma fyrir sig sjálft. Ég bendi á þetta video hér fyrir neðan fyrir fólk sem vill kynna sér mig sem uppistandara. Því miður á ég ekki fleiri video sem ég er sáttur við, en mun reyna að koma fleiri á netið með tímanum.http://lagmenning.is/yukyukswin.wmvTek fram að ég mun ekki hafa meira um þessi mál að segja. Þið megið kommenta á þetta blogg ef þið viljið, en ég mun ekki lesa það. Ég mun ekki heldur eltast við að lesa frekari greinar birtar um málið eða blogg tengd því. Uppistand á að snúast um að skemmta fólki, ekki endalusar þrætur. Ég er farinn að vinna í uppbyggilegri hlutum, bless, bless. Sat, 19 Jan 2008 18:24:00 GMT http://www.123.is/rokkvi.is/blog/record/156605/ Núna eru bara grunnupplýsingar á síðunni.Til að bóka mig í uppistand / hafa samband við mig: rokkvi@lagmenning.is eða sími 895-0024 Reynsla í uppistandi þegar þetta er skrifað: Samtals 79 uppistönd, um helmingur á Íslandi. Yfir 30 uppistönd í Kanada og eitt á Írlandi. Sigraði í 1.umferð af Great Canadian Laugh off í Ottawa 2006. Skemmti hvort sem er á íslensku eða ensku. Mikil reynsla af að skemmta í menntaskólum/grunnskólum. Hef einna mest gaman af að skemmta stjórnmálaflokkum. Ég er góðgerðaruppistandari, sem þýðir það að það þarf ekki að borga mér fyrir að vera með uppistand þegar ég er pantaður, heldur er í staðinn borgað í einhverja góðgerðarstarfsemi. Sá sem bókar mig má velja hvaða góðgerðarstarfsemi, nema hún má ekki vera trúarleg. Hún má hins vegar vera hvaða styrktarfélag sjúklinga sem er, eða til dæmis Rauði Krossinn, Barnahjálp Sameinuðu þjóðana etc. eða það má t.d. vera til náttúruverndar/skógræktar/landgræðslu á Íslandi. Ef þið óskið ekki eftir að velja neitt sérstakt málefni til að styrkja, mun ég velja það sjálfur. Ef ég þarf að ferðast langt til að vera með uppistandið, þarf reyndar að borga ferðakostnað fyrir mig. Hafið í huga að þó ég sé að styrkja góð málefni, þá er efnið mitt sem uppistandara oft gróft og/eða illkvittnislegt. Horfið á video á uppistand.is til að fá hugmynd um hvað ég geri sem uppistandari. Tue, 09 Oct 2007 12:43:00 GMT